Во „Титаник 3“ назначен нов судија, следното рочиште на 15 март
Со назначување на нов судија во предметот, судијката Марија Клетичка, денеска повторно почна рочиштето за случајот „Титаник 3“ на Специјалното јавно обвинителство.
Имено, пред околу две недели судијката Оља Ристова, која го водеше случајот „Титаник 3“, побара изземање од предметот, што и беше одобрено од страна на претседателот на Кривичниот суд Скопје Иван Џолев.
Бидејќи постапката почнува од почеток, Клетничка побара од обвинителите, како и од обвинетите Ејуп Аљими и Исмет Гури од ДУИ, кои се товарат дека како членови на Општинската изборна комисија во Чаир на локалните избори во 2013 година уништувале изборни материјали, да ги изнесат нивните воведни зборови.
Инволвираните во процесот наведоа дека, бидејќи станува збор за веќе спроведена постапка, остануваат на тоа што го кажеле претходно, а е внесено во записник.
Аљими и Гури истакнаа дека не се чувствуваат виновни во однос на обвинението на СЈО.
Следното рочите за „Титаник 3“ е закажано за 15 март.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите