Во Тексас затворање на баровите поради ширење на коронавирусот
Гувернерот на Тексас, Грег Абот денеска нареди затворање на баровите од 12 часот по локално време по повторното ширење на коронавирусот во таа американска држава.
– Јасно е дека бројот на заразени лица се зголемува поради овие активности. Граѓаните на Тексас се собираат по баровите, рече Абот и повика на почитување на мерките – носење маска и одржување физичка дистанца.
Баровите и рестораните, кои претежно заработуваат со продажба на алкохолни пијалоци, ќе бидат затворени од денеска на пладне според локално време, а дозволени се достави до дома, како и набавка на пијалоци „за носење“.
Абот, кој издаде указ за нови рестриктивни мерки, остави локалните власти да одлучат за ограничување на бројот на луѓе на собири.
Во Тексас вчера се регистрирани 5.996 заразени со коронавирус и тоа е рекорден број за таа американска држава од почетокот на пандемијата.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер