Во светот има четири бои на пасоши
Постојат само четири бои на пасоши во светот, а црвената е најчеста.
Црвен пасош, обично, имаат избрано земји со комунистичко минато – Србија, Словенија, Кина, Русија, Бугарија, Романија, Полска… Но, и пасошите на скоро сите членки на ЕУ, освен на Хрватска, исто така, се црвени. И македонскиот, албанскиот и турскиот пасош (како на земји кои со години чекаат влез во Унијата), се црвени.
Боливија, Колумбија, Еквадор и Перу се членки на Андската заедница на нации (Царински сојуз), па имаат пасоши со темноцрвена боја.
Синиот пасош го претставува „Новиот Свет“ на којшто му припаѓаат 15 земји од Карибите. Оваа боја ја користат и членки на трговскиот сојуз Меркосур – освен Венецуела, која сè уште има црвени пасоши.
Граѓаните на САД користат сини пасоши од 1976 година.
Зелен пасош имаат граѓаните на скоро сите земји каде исламот е доминантна религија, оти се смета дека зелената боја била омилена боја на пророкот Мухамед. Зелени пасоши имаат и земјите од економската заедница на западноафриканските земји, како Буркина Фасо, Нигерија, Нигер, Брегот на Слоновата Коска и Сенегал.
Црн пасош користат само неколку држави. Од африканските земји, тоа се Боцвана, Замбија, Бурунди, Габон, Ангола, Чад, Конго и Малави. Покрај нив, оваа боја на пасош ја користи и Нов Зеланд бидејќи овде црната е национална боја.
Ново на Сител
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје
-
Затруен од наркотици пронајден во бессознание во двор во Кавадарци