Во судирите со азербејџанските сили загинале 20 војници на Нагорно Карабах
Во судирите со азербејџанските воени сили во изминатите три дена во Нагорно Карабах се убиени 20 припадници на локалната војска на Нагорно Карабах, а ранети уште 72 војници, објави денеска ерменската телевизија повикувајќи се на воени извори, пренесени од британските медиуми.
Министерството за одбрана на Азербејџан претходно денеска соопшти дека во изминатите 24 часа во борбите во сепаратистичкиот регион Нагорно-Карабах погинале тројца нивни војници.
Нагорно-Карабах е под контрола на локалните сили на етничките Ерменци и ерменската војска уште од завршувањето на војната во 1994 година, која не донесе никакво разрешување на статусот на овој регион.
Борбите повторно се распламтија во текот на изминатиот викенд, при што во саботата на двете страни имаше вкупно 30 загинати борци, како и едно дете.
Азербејџан во неделата прогласи еднострано примирје, но бунтовниците во Нагорно-Карабах тврдат дека нивните позиции, и покрај тоа, биле изложени на напади.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење