Во Србија вклучен жолт и портокалов метеоаларм поради многу силен ветер

На подрачјето на Белград, Банат и Поморавие е вклучен жолт и портокалов метеоаларм поради силен ветер, соопшти српскиот Републички хидрометеоролошки завод.

Иако е предвидено дека највисоката дневна температура денеска ќе достигне 21 степен Целзиусов, во кошавското подрачје тоа речиси нема да се почувствува бидејќи ќе дува многу силен југоисточен ветер.

Најсилните удари на ветрот ќе бидат на територијата на јужен Банат и Долно Подунавие, повремено и со брзина од над 30 метри во секунда.