Во Србија од 15 мај сите полнолетни граѓани што ќе се пријават добиваат 100 евра
Српскиот министер за финансии Синиша Мали изјави денеска на прес конференција дека на седница на српската Влада се донесени три важни документи – ревизија на буџетот за 2020 година, уредба со која подетално се објаснува исплатата на 100 евра на сите полнолетни граѓани на Србија кои ќе изразат желба да добијат пари и регулатива во врска со договорот меѓу Владата на Србија и комерцијалните банки.
Мали објасни дека апликацијата за исплата на 100 евра започнува на 15 мај и ќе трае до 5 јуни, дека таа ќе биде многу едноставна и до 15, 20 јуни сите што се пријавиле ќе бидат исплатени.
-Не ви треба повеќе од една минута од вашиот ангажман. Постојат два начина на кои граѓаните можат да аплицираат – преку порталот на Управата за финансии или преку телефонскиот кол центар. Во обата случаја оставате четири детали – име и презиме, ЕМБГ, број на лична карта и избор на банка каде сакате да се изврши исплатата. Доколку немате сметка, кажете во која банка сакате да ја отворите и ние ќе ја отвориме и ќе направиме исплата од 100 евра, објасни министерот Мали.
Според него, проекцијата на падот на БДП на Србија изнесува -1,8, дефицитот е 6,9 отсто, а јавниот долг е под 60 % од БДП.
Мали најави дека две милијарди динари се предвидени за 400.000 нови ваучери за летување во Србија и до денес се веќе поделени 160.000 ваучери.
Според него досега 5.804 лица се имаат пријавено во заводот за вработување дека се останати без работа како последица на епидемијата на коронавирус.
Ново на Сител
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа