Македонија
21. March 2017 - 21:41

Во Штип протест на „За заедничка Македонија“

Нема да се дозволи разнебитување на државата и прифаќање странски платформи, порачаа вечерва од Штип граѓаните кои со учество на мирниот протест ја поддржаа иницијативата „За заедничка Македонија“.

За некои од нив е непотребно, како што рекоа, присуството на високите претставници на ЕУ во Скопје

- Хан не ни е потребен, не треба да дозволиме да ни се меша. Имаме златен народ и сами ќе си ја решиме ситуацијата, изјави Борјанка Лазарова, учесник на протестниот марш.

Маршот почна пред соборниот храм „Свети Никола“, по што граѓаните мирно, со транспаренти и со македонски знамиња протестираа низ централното градско подрачје. Протестниот марш заврши на малиот плоштад кај кружниот тек кај Стопанска банка.

Претставниците на граѓанската иницијатива „За заеничка Македонија“ истакнаа дека протестите ќе продолжат се додека не се реши политичката криза во земјава.