Во Ресен презентирани искуства и мерки за поттикнување на вработувањето
Вмрежување на институциите во креирање локални политики за вработување и размена на планови и податоци на социјалните партнери е целта на презентацијата на искуства од повеќе општини што денеска се одржа во општина Ресен во организацијата Локално економско-социјалниот совет (ЛЕСС) на Ресен .
Искуствата, според градоначалникот Ѓоко Стрезовски, на најдиректен начин ќе и помогнат на Општина Ресен, институциите и бизнис заедницата да овозможат подобри услови за потикнување на вработувањето.
- Размената на планови и податоци на социјалните партнери во заедницата очекуваме на најдиректен начин да и помогнат на Општина Ресен, државните институции и на бизнис заедницата за овозможување подобри услови за потикнување на вработувањето преку воведување нови можности за вработување пред се на младите преспанчани, рече Стрезовски.
Нијоле Дилбиене, експерт од Литванија, ги претстави резултатите од твининг проектот „Поддршка на Агенцијата за вработување за спроведување на активни мерки на пазарот на трудот и услуги“ поддржан од ЕУ, а беше реализиран во Скопје, Куманово, Тетово и Битола. Со овој проект преку дообука и практиканство користејќи активности од други проекти голем број млади, кои тешко наоѓаа работа на пазарот на трудот веќе се вработија.
За искористеноста на активните мерки за вработување како и пресек на состојбата со барателите на работа во Општина Ресен говореше директорот на Агенцијата за вработување од Ресен, Зоран Костовски.
Ново на Сител
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски