Во поплавите во Виетнам загинаа најмалку 25 луѓе

Најмалку 25 луѓе загинаа во поплавите што го погодија централниот дел на Виентам за време на викендот. 

Според Службата за предупредување од природни катастрофи четири лица се водат како исчезнати. На снимките од воздух се гледа како цели станбени реони се под вода, а 240.000 куќи се разурнати.

- Водата надојде многу брзо и го однесе оризот, животните, се што имавме, изјави еден жител од најпогодената провинција Куанг Бин.

Според виетнамските државни медиуми за големите штети од поплавите удел има и хидроелектричната централа во провинцијата Ха Тин, која ослободила големо количество вода без предупредување. За случајот е покрената истрага.