Во Ниш идната недела заедничка седница меѓу владите на Македонија и на Србија
Владите на Република Македонија и на Република Србија идната среда, на 21 март, ќе одржат трета заедничка седница во Ниш.
Претседателите на владите Зоран Заев и Ана Брнабиќ во Ниш ќе имаат тет-а-тет средба, додека истовремено министрите во владите на двете земји ќе одржат билатерални средби со своите тимови.
Заедничката седница на владите на Македонија и на Србија ќе се одржи веднаш по средбите на премиерите и министрите.
Теми на заедничката седница, како што информираат од владината прес-служба, ќе бидат од областа на одбраната, безбедноста, економијата, трговијата, здравството, образованието, од сферата на трудот и социјалната политика, правдата, заштита на животна средина, културата, како и разговори за заеднички иницијативи во инфраструктурата, иновациите, европските интеграции и младинските политики.
Ќе бидат потпишани и документи за соработка во повеќе области.
Заев и Брнабиќ ќе имаат свои обраќања и на Економскиот форум Србија-Македонија што истиот ден го организираат стопанските комори на двете земји, исто така во Ниш.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација