Во нападот во хотелот во Могадишу 11 убиени
Во нападот врз хотелот во главниот град на Сомалија, Могадишу, убиени се 11 лица, вклучувајќи ги и петмината напаѓачи од групата Ал-Шабаб, изјави денеска владиниот портпарол откако заврши целата операција, јави ДПА.
Исламистичката група Ал Шабаб, која има тесни врски со Ал Каеда, ја презеде одговорноста за нападот, што почнал доцна синоќа и траел цели шест часа во хотелот, наведе германската агенција.
Во нападот се ранети уште најмалку осум лица, додаде владиниот портпарол Исмаил Михтар Омар.
Во полициската акција на расчистување на нападот и спасување од хотелот биле извлечени стотина лица.
Хотелот, што се наоѓа во непосредна близина на претседателската палата во Могадишу, е многу популарно место за политичарите, наведуваат полициски извори. Во него за време на нападот имало многу политичари и лидери на локалната заедница.
Вооружените напаѓачи влегле во хотелот, минуваји низ безбедносниот влез облечени во униформи на безбедносните сили.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка