Во Мексико уапсен осомничен организатор на убиството на новинарката Брич

Мексиканските власти уапсија маж за кој се сомневаат дека наредил убиство  на новинарката Мирославa Брич во март.

Националната комисија за безбедност соопшти дека 43-годишниот осомничен е уапсен заедно со уште две лица во градот Бакобампо во државата Сонора.

Осомничениот е идентификуван како лидер на криминална група што е активна во делови на државите Сонора и Чивава.

Брич (54) беше дописничка на националниот весник „Ла Хорнада“. Беше убиена со осум куршуми пред гаражата на нејзината куќа на 23 март. 

Најмалку десет новинари се убиени во Мексико оваа година.