Фудбал
25. March 2020 - 9:48

Во Манчестер јунајтед уверени дека Погба ќе остане во клубот

Управата на Манчестер јунајтед е уверена дека играчот од средниот ред Пол Погба нема да го напушти тимот.

Раководството на „црвените ѓаволи“ очекува дека 27-годишниот играч од средниот ред ќе остане во Манчестер, и покрај тоа што претходно беше соопштена желбата на играчот да се врати во Јувентус.

Во британските медиуми се појавија информации за интересот за Французинот од страна на Реал Мадрид. Манчестер јунајтед планира да ја активира опцијата за продолжување на договорот со Погба до 2022 година, со цел да ги отстрани сите прашања во врска со иднината на нивниот играч.

Во сезоната 2019/20, Погба настапи на седум натпревари во Премиер лигата, на кои оствари две асистенции. Во поголемиот дел од сезоната, Французинот се обиде да се ослободи од повредата на стапалото, а во јануари беше подложен на операција.