Свет
12. January 2016 - 15:51

ОН: Во Мадаја има најголемо страдање

Обединетите нации, кои доставија хуманитарна помош за сирискиот град Мадаја, денеска соопштија дека страдањето на жителите на градот е најлошо во земјата разурната од војната.

Шефот на Агенцијата на ОН за бегалци (УНХЦР) во Дамаск, Саџад Малик изјави дека постојат веродостојни извештаи за тоа како жителите на градот умираат од глад по повеќемесечната опсада на сириската армија.

- Со ништо не може да се спореди тоа што е видено во Мадаја, посочи Малик.

Конвој од 44 камиони на ОН, на сириската Црвена полумесечина и Меѓународниот комитет на Црвениот крст вчера достави храна во Медаја, првпат од октомври минатата година.

Малик наведе дека храната во Мадаја е ретка така што еден килограм ориз се продава за 275 евра.