Во кумановската касарна „Боро Менков“ одбележан 26-ти февруари, Денот на единицата
Припадниците на првиот пешадиски баталјон, денеска во кумановската касарна „Боро Манков“ со воена свеченост го одбележаа 26-ти февруари, Денот на единицата.
Пред присутните се обрати потполковник Мирче Тасев, командант на првиот пешадиски баталјон, кој се осврна на историските настани и битката водена на денешен ден пред 76 години во кумановско Жегљане, каде е формираната Третата Македонска Ударна Бригада, укажувајќи дека припадниците на единицата се горди што ги продолжуваат традициите на оваа славна бригада.
– Денес, првиот пешадиски баталјон претставува воена сила достојна за почит, пополнета со професионален персонал, обучен и извежбан за извршување на борбените задачи во сите временски и теренски услови и во согласност со стандардите на земјите на НАТО, рече Тасев.
Пред присутните припадници на Армијата и гости се обрати и началникот на штабот на првата пешадиска бригада, полковник Дејан Чиплаковски, кој истакна дека баталјонот е препознатлив по врвната обученост и професионализам, потсетувајќи на добиените одликувања и на учеството во вежбата „Одлучен Удар“.
По повод одбележување на 26 ти Февруари, Денот на единицата делегација од кумановската касарна положи свежо цвеќе пред спомен плочата во село Жегљане.
Во рамки на прославата беа доделени, награди и пофалници за припадниците на единицата, а следуваше и презентација на дел од вооружувањето, опремата и возилата со кои располага единицата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање