Во Крушево за 17 отсто повеќе посетители во десетте месеци од годинава
За 17 отсто се зголемил бројот на посетителите на Крушево за десетте месеци од годинава, во споредба со истиот период лани. Ова го констатираат од крушевската локална самоуправа каде анализирале според уплатата на туристичката такса. Освен тоа, бројот на посетителите за изминатите десет месеци е поголем од посетеноста во цела 2016 година.
Според крушевскиот градоначалник Томе Христоски, за новогодишните празници во Крушево се очекува над 1.000 луѓе да го посетат градот.
– Трендот на пораст продолжува и оваа година и важно е што бројот на посетителите постојано се зголемува. Во првите 10 месеци од годинава имаме за околу 2.000 посетители повеќе во споредба со цела 2016 година, односно над 16.000 посетители со најмалку едно ноќевање. Оваа бројка е уште поголема со оглед на фактот што дел од туристичката такса сѐ уште се прикрива, вели Христоски.
Општина Крушево имплементираше многу проекти од туризмот, но и голем број инвестиции во гранките поврзани со туризмот. Последната најава е дека Владата одвои 4,2 милиона денари за реконструкција на полетувалиштето за параглајдери на Мечкин камен и за изградба на објект за следење на натпреварите.
За пречекот на Новата година на плоштадот „Никола Мартиноски“ и за веселата новогодишна атмосфера ќе се погрижат пејачката Викторија Лоба и повеќе ди-џеи и се очекуваат голем број посетители.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.