Во Крива Паланка излезeноста 5,1 отсто, три отсто во Ранковце

Сите 47 избирачки места во Крива Паланка изутрината се отворени навреме, а исто така и 17-те избирачки места во општина Ранковце, информираат претседателите на општинските комисии.

- До првиот пресек во девет часот излезеноста на граѓаните во Крива Паланка изнесува 5,1 отсто од вкупниот број 16.995 гласачи, информира Душко Арсовски, престседател на ОИК, Крива Паланка.

Во општина Ранковце право на глас имаат 3.019 граѓани, а од нив 97 го оствариле правото на глас на референдумот.

- Од вкупно регистрираните граѓани во избирачкиот список, три отсто или 97 излегоа на референдум до девет часот, посочи Даниел Крстевски, претседател на ОИК, Ранковце.