Македонија
31. May 2016 - 15:10

Во Кочани промовиран проектот „Спортот и семејните вредности“

Во Спортската сала на Основното училиште „Никола Карев“ во Кочани денеска беше промовиран проектот „Спортот и семејните вредности“.

 
Ова е проект на Агенцијата за спорт и млади кој досега беше успешно промовиран во општините Скопје, Штип, Прилеп и Василево.
 
- Основната цел на проектот е да влијае младите луге што е можно повеќе време да поминуваат на спортските терени ширум државата, преку рекреативни и професионални спортувања, но истовремено да ги мотивираме и нивните родители да поминуваат повеке време со нивните деца на спортските терени, истакна Марјан Спасевски, директор на Агенцијата за спорт и млади.
 
Кочани е петта општина во која го промовираме овој проект бидејќи Владата и Агенцијата  во соработка со општината,  создадоа услови за изградба на спортски сали и повеќенаменски игралишта.
 
- Во изминатите две години Кочани доби две спортски сали во основните училишта „Никола Карев“ во градот и во основното училиште „Крсте Петков Мисирков“ во населбата Оризари, со што се создадени услови за спортување на учениците но и на голем број рекреативци, истакна градоначалникот Ратко Димитровски.
 
Општината, истакна тој,  во соработка со Агенцијата за спорт и млади изгради 6 повеќенаменски игралишта во различни делови на градот, со што придонесе за развојот на спортот и физичката култура кај населението од општината.
 
По промоцијата на проектот се одржаа и неколку спортски натпревари меѓу учениците од кочанските основни училишта.