Во Кина вакцинирани преку 22 милиони луѓе
Кина примени околу 22,8 милиони дози вакцина против Ковид-19, изјави денеска здравствен службеник, додека земјата ја интензивира кампањата пред лунарните новогодишни празници во февруари и зголемените патувања.
Најнаселената земја во светот ја прошири својата таргетирана програма за вакцинирање од средината на декември за да вклучи повеќе приоритетни групи со поголем ризик од изложеност на вирусот, во обид да се спречи ширењето на инфекцијата во зимскиот и пролетниот период.
Кина има намера да вакцинира 50 милиони луѓе пред лунарната Нова година во февруари, објави Глобал тајмс.
Националната програма за вакцинација сега фаворизира клучни групи како што се медицински лица, вработени во транспортните и прехранбените услуги, како и вработени и студенти кои заминуваат во странство.
Сепак, во некои делови на Пекинг веќе започна вакцинацијата и на граѓани надвор од приоритетните групи.
Вкупно 89.272 случаи се потврдени во континентална Кина, а бројот на починати сè уште е 4.636.
Властите низ целата земја воведоа дополнителни мерки, вклучително и домашен карантин, ограничувања за патувања и масовно тестирање.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
