Во Јордан уапсен новинар кој објавил дека функционерите се вакцинирале против Ковид-19, пред вакцините да пристигнат во земјата
Во Јордан е уапсен новинарот Џамал Хадад поради објавен текст во кој тврди дека вакцината против Ковид-19 пристигнале во Кралството и оти претсатвниците на власта ги примиле своите дози.
Хадад, кој е уредник на порталот Ал Вакаи објави дека владините претставници се вакцинирани против новиот коронавирус. Тој е обвинет за „загрозување на јавната безбедност и предизвикување немири и немири“. Него му е одреден 15-дневен притвор додека чека судење.
Хадад на 22 декември објави текст „А, луѓето? Дали Фајзер (вакцината) пристигна тајно и дали се вакцинирани високите функционери во јорданската Влада“?
Јорданските власти во средината на декември одобрија употреба на вакцината на Фајзер и БиоНтек, а вакцината треба да пристигне кон крајот на јануари или почетокот на февруари 2021 година.
Хадад вчера од притвор е префрлен во болница поради висок крвен притисок и болки во градите.
Јорданскиот Синдикат на новинарите побара ослободување на Хадад, истакнувајќи оти неговото апсење му штети на имиџот на Јордан.
– Судот за државна безбедност не може да суди за прашања поврзани со слободата на изразување, се наведува во соопштението на Синдикатот на новинари и се бара случајот Хадад да биде разгледан од Граѓански суд.
Во Јордан официјално регистрирани се повеќе од 285.000 случаи на Ковид-19 и над 3.700 смртни случаи. Јорданскиот министерот за здравство Назир Обејдат минатиот месец изјави дека дека вакцините ќе бидат бесплатни за Јорданците и за странците.
Ново на Сител
-
МЗТ Скопје по седми пат го освои Суперкупот
-
Роналдо започна преговори со Ал-Наср за продолжување на договорот
-
Претреси во Охрид поради лихварство и изнуда, приведено едно лице
-
ИДФ: Во нападот во Бејрут убиен уште еден командант на Хезболах, Набил Каук
-
Конкурсите за поддршка на проекти од културата ќе бидат објавени утре, новини во начинот на финансирање
-
Сообраќајка на две товарни возила, во прекин сообраќајот на магистралата Куманово - Крива Паланка
-
САД наредија дел од нивните вработени во Амбасадата во Бејрут да го напуштат Либан
-
Претрес во Тетово, пронајдена дрога