Во Илинден изложба на слики од ликовната колонија во Радовиш

Во Домот на култура „Илинден“, во општина Илинден отворена е ликовна изложба на слики од првата Меѓународната ликовна колонија во Радовиш, „Свети Георгиј”.

На изложбата се претставени 50-тина дела на повеќе реномирани сликари, учесници на ликовната колонија во Радовиш, меѓу кои Ставре Димитров, Доне Милјановски, Запро Запров, Максим Димитров, Душан Коцев, Крсте Тарабунов, Владимир Темков, Зоран Коцев, Наташа Пецева, Ефтим Ристовски, Новица Трајковски, како и уметниците од странство Петар Белјашки од Бугарија, Снежана Мелник од Украина, Алиса Јакови од Естонија, Гордана Винчиќ од Србија и Намдакжакчивин Летиф, почесен конзул на Монголија во нашата земја.

Изложбата што ќе биде отворена до 20 декември се реализира во организација на општина Илинден и Домот на култура „Ацо Караманов” од Радовиш.