Во Грција има над 57.000 бегалци и мигранти

На грчка територија денеска има 57.008 бегалци и мигранти, а во последните 24 часа пристигнало само едно лице, јави дописникот на МИА од Атина.

Според бројките на Координативното тело за управување со бегалската криза, 23.820 од бегалците се во северна Грција, 9.994 во регионот на Атика, 8.518 на грчките острови и 2.372 се сместени во различни области во централна и јужна Грција.

Вкупно 5.896 бегалци и мигранти се сместени во неколку објекти изнајмени од страна на УНХЦР, 4.908 престојуваат во неорганизирани објекти, додека околу 1.500 лица живеат надвор од организирани сместувачки центри.