Во Гостивар во тек пријавувањето за бесплатен одмор на деца од социјално ранливи категории
Пријавувањето за бесплатен летен одмор на децата од социјално загрозените семејства и корисниците на посебен додаток од гостиварскиот регион, ќе трае до наредниот понеделник, информираат од гостиварскиот Центар за социјална работа.
Пријавувањето започна по објавувањето на повикот на Министерството за труд и социјална политика за користење на бесплатна услуга за одмор и рекреација. Со него се опфатени корисниците на права од социјална заштита: деца од семејства корисници на социјална парична помош, постојана парична помош, деца без родители и родителска грижа кои посетувале од петто до деветто одделение и деца корисници на посебен додаток до 26 години.
- нГи повикуваме родителите да ја искористат можноста и да ги пријават децата најдоцна до 10 јули. Одморот опфаќа шест полни пансиони во некое од летувалиштата во Македонија со три оброка дневно. За време на престојот ќе се организираат и разни едукативни, забавни и рекреативни активности. Освен престојот и храната, Министерството го организира и го покрива и превозот на децата, изјави Ивица Симоски, директор на Центар за социјална работа Гостивар.
Од Центарот нагласуваат дека граѓаните кои ги испопнуваат условите и се заинтересирани да ги пријават децата, треба само да поднесат барање кај нив, а останатите документи ќе ги обезбедат по службена должност.
Минатото лета преку Центарот за социјална работа во Гостивар на бесплатно летување беа чспратени 15 деца од семејства со социјален ризик и корисници на посебен додаток.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација