Во Гевгелија намалена цената на услугата за прочистување на отпадната вода
- Домаќинствата во општина Гевгелија ќе плаќаат 25 отсто пониска цена за услугата за прочистување на отпадната вода, а фирмите 10 отсто помалку во однос на претходно утврдената цена од страна на Регулаторната комисија, прифатија советниците на општина Гевгелија по предлог на ЈПКД „Комуналец“.
Според едногласно донесената одлука, цената за прочистување отпадна вода за домаќинствата од 13,37 се намали на 10,44 денари за метар кубен, а за правните субјекти од 27,23 е намалена на 24,30 денари од метар кубен.
Мислењата на советниците беа различни и се движеа од барање простор за поголемо намалување на цената па се до нејзино укинување што го побараа независните советници кои предложија за таа сметка цената на водата за пиење да се зголеми за два до три денари за сите корисници. Советниците од опозицијата бараа дури одлагање на точката со образложение дека намалувањето треба да биде многу поголемо и цената да изнесува 7,5 денари за кубен метар прочистена отпадна вода.
Градоначалникот Сашо Поцков во своето обраќање истакна дека во септември менаџментот на јавното комунално претпријатие од Гевгелија ќе направи пресек на параметрите заедно со Регулаторната комисија по што ќе се види дали има простор за намалување и на оваа цена едноглано прифатена со компромис од сите советници за да не се доведе во прашање ликвидноста на „Комуналец“.им/скс/
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање