Во државниот сектор во Грција укината пластиката за еднократна употреба
Од вчера, во државниот сектор во Грција повеќе нема да се користи пластика за една употреба, додека пак од јули, ќе се воведе во целата земја, согласно законот изгласан минатата година, јави дописничката на МИА од Атина.
Поконкретно, државниот сектор повеќе не смее да набавува пластични производи за еднократна употреба како што се прибор за јадење, чинии, сламки, чаши, производи од стиропор, кутии за храна од стиропор, стапчиња за уши, капаци за чаши итн.
Генералниот секретар од Министерството за животна средина и енергија на Грција Константинос Аравосис на крајот од декември минатата година испрати информативен допис до јавниот сектор со упатствата што се во сила од вчера.
Ова е првиот чекот кон целосно укинување на пластиката за еднократна употреба, што ќе започне од 3 јули, а поранешниот министер животна средина и енергија на Грција Костис Хаѕидакис, лани, презентирајќи го владиниот план рече дека целта е Грција да биде една од првите земји во Европската унија што ќе ја повлече пластиката за еднократна употреба, усогласувајќи се со директивите од унијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка