Во болниците во северна Грција сите починати од Ковид-19 во изминатата седмица биле невакцинирани
– За една седмица, во периодот од 12 до 19 септември, во четвртиот здравствен регион во северна Грција во кој се вклучени 14 болници, од Ковид-19 починале 54 лица и сите биле невакцинирани, јави дописничката на МИА од Атина.
Според официјалните податоци, објавени рано утрово, од конкретниот регион што ги опфаќа болниците од областите Македониа и Тракија, 248 пациенти се хоспитализирани со Ковид-19, од кои 81,5 отсто се невакцинирани, 22 пациенти се со кислородна поддршка и сите се невакцинирани, а на Одделите за интензивна нега, приклучени на апарати се 53 пациенти, од кои само двајца се имунизирани, односно 96,2 проценти се невакцинирани.
Во северна Грција, имунизациската покриеност е помала во споредба со други делови во земјата и вакцинирани, со најмалку една доза се меѓу 42 и 52 отсто, во зависност од регионот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка