ВМРО-ДПМНЕ: Заев, наместо да шири лажна еуфорија, да му се извини на македонскиот народ
Зоран Заев повторно ја лаже јавноста. Република Македонија не доби ништо повеќе од тоа што веќе го има добиено во 2008 година. Условите за членство во НАТО Република Македонија ги исполни уште во 2008 година, кога ВМРО-ДПМНЕ беше на власт. Заради Заев, сега дополнителниот услов не е решавање на проблемот кој што Грција го имаше со нашето име, туку откажување од името Република Македонија и бришење ма македонската историја, традиција и култура.
Власта нема добиено ништо повеќе, но затоа има дадено многу повеќе. Зоран Заев ја понижи државата и потпиша промена на името на државата, ги прифати грчките црвени линии за промена на Уставот, идентитетот и јазикот.
Зоран Заев е човек кој со манипулации мисли дека ќе ја излаже јавноста за капитулацијата која ја има направено. Граѓаните не можат да бидат излажани. Граѓаните знаат дека Зоран Заев е човекот кој ја потпиша капитулацијата на државата.
НАТО членството е приоритет и на ВМРО-ДПМНЕ, но базирано на достоинство и чест, а не на понижување и капитулација.
Зоран Заев и СДСМ наместо да шират лажна еуфорија, треба да му се извинат на македонскиот народ.
Република Македонија заслужува подобро, со СДСМ на власт тоа не е возможно.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот