ВМРО-ДПМНЕ: СДСМ единствена партија водена од претседател аболициран за криминал
Во моментов во Република Македонија единствен политичар кој е аболиран е Зоран Заев, а СДСМ е единствената партија водена од претседател аболициран за криминал, наведува ВМРО-ДПМНЕ во реакција на денешната изјава на потпретседателот на СДСМ Дамјан Манчевски.
Според ВМРО-ДПМНЕ, вчера Основниот суд Скопје 1 потврдил дека Зоран Заев и неговите блиски обвинети во Пуч, како што наведуваат во реакцијата, „повторно биле привилегирани и први целосно ја искористиле аболицијата од претседателот Иванов“.
- Основниот суд потврди дека Заев и останатите обвинети за незаконското прислушување добиле решенија дека е постапено по одлуката на Иванов и дека се аболирани. Си ги земале решенијата и си молчеле. Ајде што молчеле со решенијата во рака од судот за запирање на нивните постапки, туку сега уште почнаа во нивниот стил “лоповот вика фатете го лоповот” да прозиваат зошто одбраната на другите прашала какви решенија донел СЈО по одлуката на Иванов. Значи толку многу да се нема срам, ретко се случува низ светот, наведува ВМРО-ДПМНЕ.
Вистината е, нагласува партијата во реакцијата, дека одбраната на останатите кои беа аболирани од страна на претседателот Иванов, според изјавата на адвокатскиот тим, не побарале решение за прекин на постапките, туку да им се достави копија од актот, односно да бидат информирани како СЈО постапило во предметите.
- На крај останува болната вистина дека Зоран Заев во моментов е единствениот политичар кој е изземен од одговорност за криминал тежок осум милиони евра, а СДСМ единствената партија која е водена од политичар аболиран за тежок криминал, се вели во реакцијата од ВМРО-ДПМНЕ.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок