ВМРО-ДПМНЕ: Не ги знаеме новите детали од преговорите за спорот за името
Во врска со информациите изнесени во јавноста од премиерот Зоран Заев за наводно навремено информирање на опозицијата, поточно ВМРО-ДПМНЕ со детали од преговорите за спорот за името сакаме да го изнесеме следново:
Се работи за комплетна невистина изнесена од Зоран Заев кој очигледно се раководи по принципот „колку повеќе лаги, толку повеќе години на власт“. Очигледно единица мерка за лага во државата е Зоран Заев. Но неговото катастрофално работење многу брзо ќе биде разобличено од страна на граѓаните и ќе се понесе одговорност за сите штетни политики во државата.
Вистината е следна. Единствените информации кои ВМРО-ДПМНЕ ги има добиено од владата која ги води преговорите за името се оние добиени на лидерската средба која се одржа во месец јануари оваа година во клубот на пратеници, и билатералната јавна средба меѓу лидерите на СДСМ и ВМРО-ДПМНЕ која се случи на почетокот од месец март во просториите на Владата на Република Македонија. Од тогаш до денешниот ден, ВМРО-ДПМНЕ не е запознаена со аспектите ниту нови детали од разговорите кои ги води Владата на Заев и грчката страна во преговорите.
Апелираме премиерот и сите вклучени во разговорите да не шпекулираат и изнесуваат невистини во целокупниот процес, да не си бараат алиби за сопствените грешки и да се фокусираат кон решение кое ќе ги заштитува националните и државни интереси на Република Македонија, стои во соопштението испратено од Центар за комуникации на ВМРО-ДПМНЕ
Ново на Сител
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо