ВМРО-ДПМНЕ: Македонија заслужува вистински невладин сектор
ВМРО-ДПМНЕ во пишано соопштение до медиумите посочува дека деновиве повторно сме сведоци како соросовите невладини т.н. граѓански организации повторно се обидуваат да се претстават како автентични и слободоумни претставници на цивилниот сектор, иако, како што велат, документите кои се појавуваат од нивната тајна комуникација потрдуваат дека не се ниту автентични, ниту слободоумни, туку се слуги на политичките интереси на СДСМ/Сорос.
- Нервозата кај соросовите невладини окупатори на граѓанскиот сектор станува се поголема. Како што на виделина излегуваат се повеќе и повеќе детали за начинот на кој мрежата на организации под контрола на СДСМ/Сорос го корумпира невладиниот сектор, така расте и паниката во нивните редови. Овие организации кои Сорос и нивниот политички партнер СДСМ ги активира на копче зависно потребите, не се претставници на граѓаните на Република Македонија, се вели во соопштението од ВМРО-ДПМНЕ.
Овие организации, се додава, не го претставуваат вистинското граѓанство во Македонија. Тие го претставуваат само оној слој на граѓани кои одлучиле да сеат магла дека се невладини, а да седат во скутот на СДСМ, на неговите пратенички листи или во извршните органи на партијата.
- Тие не се заинтересирани ниту за граѓанските права и слободи, ниту за просперитетот на државата. Тие се заинтересирани само за тоа како преку манипулирање на јавноста да ги полнат своите џебови. Овие луѓе не се граѓански сектор и не се грижат за интересите на граѓаните, се посочува во соопштението.
Македонија, се нагласува, заслужува вистински невладин сектор кој ќе ги препознае и ќе се бори за потребите на граѓаните.
- Македонија нема потреба од платеници кои за туѓи политички интереси и агенди ќе вршат насилни кампањи против волјата на мнозинството. Затоа во Македонија е неопходен процесот на десоросоизација кој започна и од кој враќање нема, се вели во соопштението од ВМРО-ДПМНЕ.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела