Владата на САД контра Трамп: Климатските промени предизвикани од човечкиот фактор
Последниот извештај на американската Влада покажува дека брзите климатски промени се предизвикани, речиси сигурно, од делувањето на човекот, што е во спротивност со тврдењата на американскиот претседател Доналд Трамп.
Климатските промени се реални, тука се и ние ги предизвикуваме, се наведува во последниот, најобемен извештај на повеќе од 50 американски научници.
„За затоплувањето во изминатиот век, не постојат уверливи алтернативни објаснувања освен дека се предизвикани од човечкиот фактор, посебно преку емисијата на стакленички гасови“, се наведува во извештајот објавен синоќа.
„Идните темпаратури многу ќе зависат од количеството јаглерод диоксид емитуван во атмосферата, се истакнува во извештајот кој по барање на Конгресот се изработува на секои четири години од страна на научници од владините тела, како што се Агенцијата за заштита на околината и Националната управа за океани и атмосфера.
„Глобалните просечни нивоа на морето ќе пораснат најмалку неколку сантиметри во следните 15 години поради зголемувањето на температурите“, се прецизира во извештајот.
Трамп тврди дека климатските промени се измислица, а во јуни најави повлекување на САД од Парискиот договор за климата.
- Администрацијата поддржува строга научна анализа и расправа и ја поттикнува јавноста да го коментира нацрт-документот денеска објавен, изјави портпаролот на Белата куќа.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка