Спорт плус
5. December 2017 - 18:44

(ВИДЕО) Вечерва одлука, дали Русите ќе учествуваат на ЗОИ 2018?

Извршниот одбор на Интернационалниот олимписки комитет (ИОК) односно претседателот Томас Бах вечерва на прес конференцијата закажана за 19:30 часот, 
Ќе ја соопшти конечната одлука, дали ИОК ќе им дозволи на руските спортисти да учествуваат на претстојните Зимски олимписки игри (ЗОИ) во Пјонгчанг, 2018 година.
 
 
На само девет недели пред почетокот на ЗОИ, Русите се пред суспензија од натпреварите во Јужна Кореја, поради доказите за системски допинг за време на игрите на кои беа домаќини во Сочи 2014 година. 
 
ИОК минатата година им забрани на руските спортисти да се натпреваруваат на Летните олимписки игри во Рио, а од сите меѓународни федерации поединечно побара да се изјаснат дали ќе им дозволат на Русите да настапуваат на игрите.
 
И овојпат, Извршниот комитет на ИОК, се очекува да донесе слична одлука, или евентуално да им дозволи на руските спортисти да настапат на игрите во Пјонгчанг, но како независни спортисти, без право на интонирање на руската химна и истакнување на руското знаме, на што остро реагираше официјална Москва, пред се рускиот претседател Владимир Путин, кој ја отфрли таквата опција. 
 
Претседателот на ИОК, Томас Бах се очекува вечерва да ја соопшти конечната одлука на прес-конференцијата закажана за 19 часот и 30 минути. 
 
Обраќањето на Бах ќе може да го проследите на официјалниот „YouTube“ канал на ИОК, односно на следниот линк.