Вицепремиерот Бесими ја прими австриската амбасадорка, Ренате Коблер
Вицепремиерот задолжен за европски прашања Фатмир Бесими денеска имаше средба со новоименуваната амбасадорка на Австрија во Македонија, Ренате Коблер.
Бесими, како што соопшти неговиот Кабинет, ја поздравил поддршката на Република Австрија за политиката на проширување и пристапувањето на земјите од регионот во Унијата. Оваа поддршка беше потврдена и на неодамнешниот Самит за Западен Балкан кој се одржа во Виена.
Тој за време на разговорот ги потенцирал и клучните приоритети и спроведувањето на реформите од европската агенда, особено во областите на судство, борба против корупција и организиран криминал, слобода на изразување, изборна реформа, фундаментални права и меѓуетнички односи како и во делот на економските критериуми.
Вицепремиерот Бесими ја истакнал и важноста од продолжувањето на конструктивниот политички дијалог и исполнувањето на обврските кои произлегуваат од Договорот од 2-ри јуни, анексот од 19-ти јуни и протоколот од 15-ти јули.
Во однос на актуелната состојба со мигрантите, Бесими нагласил дека вклучувањето на земјите од Западен Балкан во единствениот пристап на ЕУ кон мигрантската криза е од суштинско значење, бидејќи земјите, вклучувајќи ја и Македонија, се транзитни рути за мигрантите и затоа е потребана и поддршката од Унијата.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок