Македонија
26. January 2022 - 12:52

Велешанец ограбил автомобил, но само 10 минути по кражбата го фатила полицијата

Полициски службеници од СВР Велес вчера, по само 10 минути од извршување на „тешка кражба“, го лишиле од слобода осомничениот сторител на кривичното дело, А.Л. од Велес.

– Вчера попладне во 17 часот на улица „Благој Ѓорев“ во Велес од страна на полициски службеници од СВР Велес бил лишен од слобода 33-годишниот А.Л. од Велес. Тој се сомничи дека вчера околу 16.50 часот извршил „тешка кражба“ од патничко моторно возило „Тојота Корола“, со велешки регистарски ознаки, информира Ристо Самарџиев од СВР Велес. 

Тој дополнува дека осомничениот бил приведен во полициска станица и по документирање на случајот против него ќе биде поднесен соодветен поднесок.