„Вашнгтон пост“: Американски војници ќе останат во Сирија и по поразот на ИД

Американски војници ќе останат во северниот дел на Сирија и по поразот на Исламска држава, со цел да не дозволат воспоставување на контрола од сириските сили, кои се поддржани од Иран, објави „Вашингтон пост“.

Според Пентагон во моментот во Сирија има 503 американски војници.

- Поразот на ИД наскоро ќе биде неизбежен, а тогаш американската армија ја губи основата да биде во Сирија. Со повлекувањето на американските војници ќе им се дозволи на силите на сирискиот претседател Башар ал Асад да воспостави контрола во другите подрачја во Сирија, што ќе обезбеди политички опстанок на Асад, а тоа ќе биде победа на неговиот сојузник Иран, истакнува „Вашингтон пост“.

Весникот наведува дека за да превенираат таквиот исход САД планираат да остават американски војници во северна Сирија, подрачје каде ги обучуваат и поддржуваат Сириските демократски сили во борбата против ИД. Вашингтон сака во тој реон да создаде нови управувачки структури, кои не се поврзани со Дамаск.