Вархеји: Преговарачките рамки за Скопје и Тирана готови оваа недела
Еврокомесарот за проширување, Оливер Вархеји, пред Европскиот Парламент денеска изјави дека преговарачките рамки на ЕУ со Албанија и Македонија ќе им бидат поднесени оваа недела на земјите членки на ЕУ.
Вархеји се обрати на пленарната седница на Европскиот Парламент во врска со извештајот за Западен Балкан. Тој истакна дека Европската Комисија го врати регионот во срцето на Европа во првите шест месеци од оваа година и дека ветувањата кон регионот се претворија од зборови во дела.
-Комисијата доби задача да изготви преговарачки рамки за Македонија и Албанија, кои ќе бидат готови веќе оваа недела, заедно со преглед на реформскиот напредок, потврди Вархеји.
Преговарачките рамки беа ветени во текот на јуни, додека пак редовните извештаи за напредокот на сите земји од регионот се одложени за наесен, кога Европската Комисија треба да понуди и голем економски и инвестициски план за излез од кризата на регионот.
Вархеји истакна дека испорачано е и во однос на ветувањата кон земјите членки на ЕУ со ревидираната преговарачка методологија која овозможи конечно зелено светло за преговорите со Скопје и Тирана во март годинава, по повеќе месеци блокада од страна на Франција.
-Процесот на проширување е заснован на заслуга, за да напредуваат на патот кон ЕУ, земјите од Западниот Балкан треба да продолжат да испорачуваат реформи, посебно во делот на владеењето на правото, борбата против корупцијата и организираниот криминал, темелните вредности и човековите права, рече еврокомесарот, и додаде дека што побргу една земја напредува реформски, толку побргу се приближува до членство во Унијата.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок