УЖАСНА ТРАГЕДИЈА: Бебето и починало во стомак додека молела да ја породат!

Драгана мајка на едно детенце, пред една недела била во Општата болница за да се породи со женско дете, но бебето умрело во стомакот во страшни маки додека чекала лекарите да најдат слободен термин за да ја породат.

Во исповед за српски „Ало“ Драгана вели дека 4 дена ги молела лекарите на Крушевац за да ја породат бидејќи имала благо висока температура и мачнини, како и јаки болки во стомакот и препоните, но дека во операционата сала ја однеле дури кога виделе дека бебето е мртво.

- Бременоста помина нормално сите 9 месеци, а терминот ми беше до 10 декември. Во болница отидов во петокот на 9-ти, по договор со Зоран Хаџи Ранѓеловиќ, да ме прими за царски рез. На прегледот е потврдено дека градниот кош и срцето како и плодовата вода, е во ред. Докторот ми рече: „Оди дома до понеделник, не е ништо итно“. Во понеделник сестрата дрско ми рече дека докторот завршил со смената и дека си заминал дома. Кога му се јавив, ми рече: „Сега пристигнувам“, и се појави за кратко а потоа испрати доктор на прием. Ми направија преглед и утврдија дека срцевите тонови на бебето се во ред. Набрзо добив температура 36,7 па ми рекоа тоа не е висока, заштитена си со антибиотици. Ќе причекаме да падне, со тешки маки раскажа Драгана, која под седативи сега се опоравува. Драгана вели дека во вторникот имала главоболка и мачнини и дека веднаш се пожалила на дежурната сестра.

- Ја молев да го повика докторот, со зборовите: „Главата ми гори, чувствувам температура“! Но, таа ми велеше да се смирам, ми се влоши состојбата, кога почнаа силните болки во стомакот и препоните. Не можев да се померам од грчеви! Вечерта околу 18 часот, повторно ја повикав дежурната сестра Јелена за да ги повика докторите која дрско ми одговори: “Лежи тука и одмарај“. 

„Нема никој, сите се во салата“ Ми даде антибиотик и диклофенак за болки. Вечерта ја поминав во големи маки. Кога ме попуштија болките околу 22:30 станав да се истуширам, но сестата повторно ми викаше „Изгаси го светлото и спиј“. Никој од лекарите не дојде таа ноќ за да ме прегледа

 Наредниот ден исто, станав со главоболка. Докторот го видов во утринската визита и го прашав „Зошто не ме пораѓате, што чекате?“ Меѓутоа главниот збор го водеше д-р Рушка, која рече: „Сега си без температура, утре правиме царски рез“. Мојот доктор само рече да ми направат преглед. На тој преглед се испостави дека не можат да ги фатат отчукувањата на срцето на бебето.

Ме однесоа на ултразвук и веднаш видов дека лекарите чудно се погледнаа. Докторката  Рушка на мојот лекар му кажа „Зоран погледни во екранот“. Прашав, „што е Дали нешто не е во ред?“. И Таа ми одговори „за жал не е, нема акција“, се онесвестив од шок и повторно се разбудив во соба каде ми даваат инекции за смирување. Вриштев на нив од мака и бес: „Ми го убивте бебето“ Породете ме додека не умрам од сепса, дома ме чека мало дете! – огорчено раскажа Драгана, која вели дека во операционата сала ја однеле дури кога началникот наредил, но дека за нејзиното девојче тешко 3,4 килограми, било доцна. 

- „Виновен сум, не знам што се случило“. Мораш да ме разбереш и да ја прифатиш ситуацијата, колку и да е трагична. Ми рече: “мене можеше да ме згазат на улица и да не те породам“.  

Семејството против болницата покрена кривична пријава поради сотрено тешко дело против здравјето на луѓето. По налог на тужител, болницата за овој трагичен случај денес ќе ја посети здравствена инспекција, која ќе ги испита сите околности на овој случај.