-->
-->
Уште една легенда се прости од фудбалот
-->
Легендарниот италијански фудбалер Андреа Пирлоизминатата ноќ стави крај на кариерата. Пирло ги одигра последните минути во победата на Њујорк над Колумбус 2:0. Њујорк и покрај победата не успеа да мине во финалето во Источната конференција, бидејќи во првиот меч загуби 4:1.
Тренерот на Њујорк, Патрик Виера, го внесе во игра 38-годишниот фудбалер во 90 минута. Тие минути беа последни во кариерата на еден од најдобрите играчи од средниот ред во последните 15 години.
Андреа Пирло кариерата ја започна во Бреша во 1995 година, а потоа играше за Интер, Реџина, Милан, Јувентус, а последните две години ги мина во дресот на Њујорк Сити.
Најуспешниот период во кариерата го имаше во Милан, освои девет трофеи од кои најзначајни се оние во Серија А (2004, 2011) и во Лигата на шампионите (2003, 2007).
Со репрезентацијата на Италија стана светски првак во 2006 година. Италија по изведувањето пенали ја победи Франција 5:3, а тој беше успешен во првата серија.
За Италија има одиграно 116 натпревари, постигнал 13 голови, а на вечната листа според бројот на настапи за репрезентацијата го дели четвртото место со Даниеле Де Роси.
Англиските и Италијанските медиуми изминатите денови шпекулираа дека веднаш по завршувањето на играчката кариера Пирло би можел да му се приклучи на Антонио Конте во стручниот штаб на Челси.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација