Универзитетската библиотека „Св.Климент Охридски“-Битола го одбележа патрониот празник
Националната установа Универзитетска библиотека „Св. Климент Охридски“ – Битола денеска го празнува споменот на својот патрон Свети Климент Охридски – Чудотворец.
Директорот на Битолската универзитетска библиотека, Науме Ѓоргиевски во обраќањето рече дека првиот македонски архиепископ во исто време и творец на далеку познатата Охридска книжевна школа е најзначајниот писател и педагог, а со својата активност и со своето дело на повеќе полиња, тој стана заслужен не само за македонскиот народ туку и за целиот христијански свет.
-Свети Климент ја основал познатата Охридска книжевна школа, прв словенски универзитет во кој оспособил над 3.500 ученици за црковна богослужба. Паралелно со црковната и педагошката се занимавал и со книжевна и преведувачка дејност. Напишал и поуки за големите христијански празници, пофални слова за други празници на апостоли и маченици, им помагал на Кирил и Методиј во преведувањето на потребната литература за црковната богослужба, а самиот го правел целиот Цветен триод, нагласи Ѓоргиевски.
На денешната свеченост во Битола беа промовирани два најнови проекти на библиотеката, односно проектот „Секој има право да го разберат“-ДВД со раскази паралелно толкувани со знаковен јазик и проектот „Техничко опремувањена просторот за музикалии“.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација