Укинато задолжителното носење маска во Црна Гора
Националното координативно тело за заразни болести, по предлог на Институтот за јавно здравје на Црна Гора, вчера одлучи да престане со примената на мерката за задолжително носење заштитни маски.
Носењето заштитни маски останува задолжително за вработените и пациентите во јавните и приватните здравствени установи, во јавните и приватните установи за социјална и заштита на децата и за вработените и патниците во јавните превозни средства, соопшти Владината служба за односи со јавност на Црна Гора.
Исто така, беше решено да се овозможи сообраќај со земји во кои стапката на активни случаи на вирусот корона е над 25 на 100.000 жители, при што транспортот подразбира однапред одредени групи на патници и исклучува попатно влегување и излегување.
Исто така, можно е да се транзитираат луѓе и стоки преку Црна Гора, без можност за влез или за излез на патниците.
Исто така, беше решено дека залихите на заштитна опрема и средства за дезинфекција во сопственост на веледрогериите ќе бидат ставени на располагање на јавниот здравствен систем на Црна Гора, со паричен надоместок по пазарни цени.
На сесијата беше решено Институтот за јавно здравје во петок да го ажурира и објавува списокот на земји со помалку од 25 активни случаи на коронавирус на 100.000 жители, од кои е дозволен влез во Црна Гора без задолжителна институционална самоизолација.
Ново на Сител
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили
-
ЕП: Ракометарките против Шведска, Унгарија и Турција
-
УЕФА ја казни Барселона
-
Ѓорческа не го помина второто коло на фјучрсот во Копер