УХМР: Намален водостојот на Вардар кај Јегуновце и Скопје

- Водостојот на Вардар кај Јегуновце е за повеќе од осумпати понизок од вообичаениот за ноември, во Скопје е четирипати понизок, а во Велес е речиси во рамките на просекот за месецов, информира Управата за хидрометеоролошки работи (УХМР).

Според најновите податоци на УХМР, нивото на останатите реки во земјава е двојно пониско од вообичаеното, со исклучок на Црн Дрим кај Ложани каде е петпати пониско и на Црна Река во Новаци со речиси три пати понизок водостој од повеќегодишниот просек за ноември.

Кај природните езера во земјава нема промена и нивните нивоа се исти како и вчера.