УХМР најавува невреме, еве кога не очекува заладување и пороен дожд

И утре ќе преовладува стабилно и топло време, попладне со мала до умерена локална облачност.

Ќе дува умерен северен ветер кој повремено ќе се засилува, особено вдолж Повардарието. Во вторник ќе настапи зголемување на облачноста проследено со врнежи од дожд кои локално ќе бидат поројни, со засилен ветер и појава на грмежи. И во среда ќе има локален дожд во југоисточните делови, особено претпладне.

Дневните температури на воздухот ќе бидат во опаѓање за околу 7 степени, а на некои места и повеќе. 

Од четврток повторно следува стабилно време со постепен пораст на дневните температури.