Угостителските објекти од утре ќе работат до 21:00 часот
Владата на Република Македонија на 40-тата седница, по препорака на Комисијата за заразни болести, донесе измени на одлуката за работното време на рестораните и другите угостителски објекти согласно која од 21-ви јануари се укинува одлуката за ограничување на работното време на рестораните и другите угостителски објекти за работа до 18:00 часот.
Согласно овие измени, рестораните и угостителските објекти од 21-ви јануари ќе работат до 21:00 часот, после што ќе бидат затворени за посетители сите угостителски објекти и ресторани, како и угостителските објекти или делови за исхрана во угостителските објекти за сместување во хотелите, мотелите, хостелите, пансионите и други објект за сместување, како и објектите со угостителска дејност на бензинските станици.
Исклучок од оваа одлука се угостителските објекти на Меѓународниот Аеродром Скопје и Аеродромот „Св. Апостол Павле“ во Охрид, како и рестораните или деловите за исхрана во угостителските објекти за сместување во хотелите, мотелите, хостелите, пансионите и други објекти за сместување за лицата сместени во овие објекти.
Угостителските објекти кои вршат подготовка и продажба на храна можат да остваруваат продажба на алтернативен начин со онлајн или телефонски нарачки и да вршат достава или да овозможат самостојно подигнување на нарачката надвор од угостителскиот објект преку штанд или пулт со почитување на основните мерки за дезинфекција, носење маски и одржување дистанца.
Ново на Сител
-
Уапсен прилепчанец поради тргување и изработување на оружје
-
СДСМ: ВМРО-ДПМНЕ е симбол за криминал, затоа им пречи борбата на Николовски против корупцијата
-
Секое трето дете во Германија има проблем со менталното здравје поради пандемијата
-
Николовски: Над 80.000 членови го ажурираа своето членство во СДСМ
-
Мајка си ги фрла децата од прозорец за да ги спаси од пожар | ВИДЕО
-
Во Русија почна тестирањето на вакцината „Спутник лајт“
-
Контрола во угостителски објект во Тетовско, приведени сопственикот и 18 странски државјанки
-
Настапи на Еурофарм Пелистер и Вардар во СЕХА лигата