Свет
30. July 2015 - 21:29

Турски патнички авион принудно слета во Варшава

Портпаролот на меѓународниот аеродром во Варшава соопшти дека патнички авион Боинг 777-300 на компанијата „Туркиш ерлајнс“ со 332 патници и членови на екипажот денеска принудно  слетал на нивниот аеродром, пренесоа американските медиуми.

Тој изјави дека патниците биле евакуирани на аеродормот „Фредерик Шопен“, а персоналот на аеродромот го проверува авионот.

Портпаролот не прецизираше што го предизвикало принудното слетување на авионот, што летал од Истанбул за Сан Франциско.

Полската телевизија ТВН 24 соопшти дека во авионот бил забележен сомнителен пакет.