Турската полиција уапси 20 осомничени џихадисти
Турската полиција денеска во реонот на Анталија уапси 20 лица, кои се осомничени за поврзаност со џихадистичката група Исламска држава (ИД), јавија турските медиуми, додавајќи дека апсењата се извршени во пресрет на Самитот на Г-20, што ќе се одржи во овој медитерански град на 15 и 16 ноември.
Полцисиките акции за приведување на осомничените џихадисти се спроведени утрово во Анталија и во соседните градови Аланија и Манавгат.
Уапсените се товарат дека одржувале врски со членови на ИД од Ирак и Сирија. При акциите се конфскувани и повеќе компакт дискови.
Претпладнево во Анталија допатува турскиот министер за внатрешни работи Сељами Алтанок, кој ќе изврши контрола на преземените безбедносни мерки во пресрет на Самитот на Г-20, на кој главна тема ќе бидат борбата против тероризмот и ИД.
Меѓу останатите шефови на држави или влади, на Самитот во Анталија се очекува да учествуваат и претседателите на САД и Русија, Барак Обама и Владимир Путин.
Денешните апсења следуваат по акцијата во вторникот, кога турската полиција во близина на границата со Сирија уапси шест лица, од кои петмина странци, кои се осомничени дека планирале да преминат на сириска територија и да и се прикличат на ИД.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација