Турција по пучот планира да вработи нови 20.000 професори
Турските власти соопштија дека планираат да вработат 20.000 наставници кои треба да ги заменат отпуштените од чистката, што е преземена по неуспешниот обид за пуч во оваа земја, јави Танјуг.
Турскиот министер за образование, Исмет Јилмаз, синоќа изјави дека новите наставници ќе ги заменат оние кои работеле во државните, како и во приватните институции, а кои се отпуштени заради наводна поврзаност со Фетула Ѓулен, муслиманскиот верски лидер кого официјална Анкара го обвинува за организатор на обидот за пуч на 15 јули, пренесоа американските медиуми.
Турскиот претседател Реџеп Тајип Ердоган изјави дека заради наводна поврзаност со Ѓулен затворени се 15 универзитети, 934 училишта и 109 студентски и ученички домови.
Турција прогласи тримесечна вонредна состојба за повторно да ја воспостави безбедноста во земјата по обидот за пуч, што беше спречен од лојалните воени сили и граѓаните.
Ново на Сител
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии