Балкан
15. April 2016 - 11:02

Турција го блокира сајтот на руската државна агенција Спутник

Сајтот на руската државна агенција Спутник е блокиран во Турција, изјави денеска главниот уредник на турското дописништво на медиумот, Махир Бозтепе.

- Нема пристап до sputniknews.com. Испративме писмо до Rегулаторната агенција во кое бараме објаснување на причината за тоа. Воопшто не очекувавме забрана, изјави Бозтепе.

Како што јави Раша Тудеј, турската Регулаторна комисија за телекомуникации досега не ги образложи прилините за блокирањето на интернет страницата на Спутник.

Руските медиуми оценуваат дека ваквата постапка може дополнително да ги продлабочи тензиите меѓу Москва и Анкара, до кои дојде по соборувањето на рускиот воен авион од страна на турската армија во ноември минатата година во реонот на границата меѓу Турција и Сирија.