Свет
26. јуни 2016 - 21:32

Три милиони потписи за нов референдум во Велика Британија

На петицијата со која се бара ревидирање на резултатите од референдумот за излегување на Велика Британија од Европска унија, досега се потпишаа три милиони луѓе.

Според британскиот закон, за разгледување на петиција во Парламентот се неопходни 100.000 потписи, така што пратениците можат да го разгледаат барањето следната недела.

- Ние, долупотпишаните, бараме од Владата да го спроведе правилото, според кое, ако гласачите за или против (членството во ЕУ) се помалку од 60 отсто, а излезноста е под 75 отсто, тогаш треба да се организира нов референдум, се наведува во текстот на петицијата.