Трамп смета дека е жртва на медиумска кампања за дискредитирање
Американскиот претседател Доналд Трамп смета дека е жртва на најмоќната кампања за дискредитирање од страна на американските медуми во историјата, изјави тој во интервју за телефизискиот канал „Фокс њуз“.
- Зборувам за исфабрикувани вести, кои се во огромен број. Медиумите мошне добро знаат што зборувам и што имам предвид, изјави тој и како примери ги посочи весниците „Њујорк тајмс“ и „Вашингтон пост“, телевизиските компании Си-Би-Ес, Ен-Би-Си и Си-Ен-Ен.
- Во историјата нема човек, за кого медиумите објавувале толку нечесни и невистинити материјали, како за мене. Без разлика за што станува збор, дури и кога станува збор за некоја исклучителна вест или некој позитивен знак, тие пишуваат во негативен тон, вели Трамп.
Тој е уверен дека опозициската Демократска партија и медиумите, кои се блиски до неа „намерно објавуваат неверодостојни информации со цел да го дискредитираат и да го делегитимираат него самиот и неговата администрација“.
Тој ги нарече продемократските медиуми „непријатели на народот“.
Коментирајќи го незаконското објавување на телевизиската компанија Ем-Ес-Ен-Би-Си на неговата даночна декларација за 2005 година, Трамп изјави: „Немам поим од каде ја нашле, но тоа го направиле незаконски. Немаат право да поседуваат такви податоци, тие не смее да станат објект на истекување“.
Трамп додаде и дека во објавената даночна декларација нема никакви сомнителни детали.
Тој изјави дека социјалните мрежи се извонреден изум, кој му овозможува да пренесе порака до милиони луѓе без посредници.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар