Трамп одби да ги коментира тврдењата за смена на Тилерсон
Американскиот претседател Доналд Трамп одби да ги коментира денешните тврдења на „Њујорк Тајм“ дека се подготвува да го смени државниот секретар Рекс Тилерсон.
- Тој е тука, Рекс е тука, одговори кусо Трамп, по состанокот со принцот од Бахреин во Вашингтон.
Според „Њујорк тајмс", Белата куќа се подготвува да го замени Тилерсон со актуелниот директор на ЦИА, Мајк Помпео.
Портпаролката на Белата куќа, Сара Сандерс исто така одби да ги коментира наводите на американскиот весник.
- Нема соопштенија во оваа фаза. Тилерсон продолжува да го води Стејт департментот, а целата влада (на САД) е фокусирана на крајот на оваа неверојатно успешна прва година на владеењето на Трамп, рече Сандерс.
Сенаторот Боб Коркер, по разговор со Тилерсон, изјави дека државниот секретар не знае за плановите за негово сменување.
- Тој се занимава со неговите секојдневни обврски и не знае ништо за некакви промени, изјави Коркер, кој е претседател на Комитетот за надворешни работи на Сенатот.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп